Mładzič baicca pravasudździa
Samy šukany ŭ Eŭropie vajenny złačynca, były hałoŭnakamandujučy armii baśnijskich sierbaŭ Ratka Mładzič zahadaŭ svaim achoŭnikam zabić jaho ŭ vypadku zachopa siłami biaśpieki
25.07.2008 / 14:37
Jak piša The Telegraph, pra heta paviedamiła krynica ŭ sierbskich specsłužbach. Mładzič hatovy pamierci, čym zdacca sierbskim uładam.
Miarkujecca, što Mładzič chavajecca ŭ adnym ź sierbskich haradoŭ razam sa svaimi ciełaachoŭnikami, paviedamlaje gazeta.ru sa spasyłkaj na brytanski Telegraph
Ratka Mładzič u 1992—1996 h. byŭ hałoŭnakamandujučym armii baśnijskich sierbaŭ, Mižnarodnym vajennym trybunałam pa byłoj Juhasłavii abvinavačvajecca ŭ vajennych złačynstvach, hienacydzie, źviazanym z asadaj Sarajeva, u vyniku jakoha zahinuli kala 10 tys. čałaviek, a taksama źniščeńnia mužčynskaha nasielnictva ŭschodniebaśnijskaha miastečka Srebranica, kali zahinuli 7,5 tys. čałaviek.
Mładzič. Symbaličny zdymak z kasoj |
U 1992-1995 hh. Sarajeva vytrymała asadu baśnijskich sierbaŭ. Ciapier tut ciša i spakoj. Horad uzimku. |