З-за моцных дажджоў Мінск стаў у шасцібальных заторах
07.03.2017 / 09:57
У Мінску праз залеву адбылося некалькі ДТЗ. Рух на цэнтральных магістралях сталіцы ўскладнены. Па дадзеных сэрвісу «Яндэкс.Заторы», у сталіцы цяпер ацэньваюць узровень пробак у 6 балаў.
Рух моцна ўскладнены ў раёне плошчы Перамогі, на праспекце Незалежнасці, на праспекце Дзяржынскага, вуліцы Чыгуначнай. Таксама на выездзе з горада ў бок Дзяржынска.
Рух па ўнутраным і знешнім кальцы ад Калядзіч да Дворыцкай слабады моцна ўскладнены — на гэтых участках адбылося некалькі ДТЗ.