Zatrymany padazravany ŭ napadzie na aŭtobus «Barusii». Heta isłamski ekstremist
12.04.2017 / 15:38
Palicyja Hiermanii zatrymała padazravanaha ŭ napadzie na aŭtobus dortmundskaj «Barusii». Pradstaŭnik Hienprakuratury nazvaŭ jaho pradstaŭnikom isłamskich ekstremistaŭ, nie nazvaŭšy imia.
Akramia zatrymanaha palicyja taksama šukaje jašče adnaho ekstremista. U damach abodvuch padazravanych prachodziać pieratrusy.
Hienprakuratura taksama abviaściła, što zychodzić z terarystyčnaj nakiravanaści napadu, ale pakul aficyjna nie kvalifikavała zdareńnie jak terakt.
Paviedamlajecca, što na miescy vybuchaŭ kala aŭtobusa znojdzieny try adnolkavych ŭlotki ź isłamisckimi łozunhami.
***
Uviečary 11 krasavika kala aŭtobusa z futbalistami adbylisia try vybuchi, kali «Barusija» jechała na stadyjon z hatela. U vyniku paciarpieŭ hulec Mark Bartra, jon užo praapieravany. Vybucham taksama byŭ kantužany palicejski, jaki supravadžaŭ aŭtobus.
Drukujecca ŭ miežach śpiecyjalnaj rubryki «Naviny Hiermanii»