U Minskim zaaparku zahinuŭ viarblud, jakoha naviednik pakarmiŭ cełafanavym pakietam

17.04.2017 / 13:43

U Minskim zaaparku ad ruk naviedvalnikaŭ zahinuŭ viarblud, pieradaje partał Minsknews.by. U straŭniku paśla ŭskryćcia vyjavili cełafanavyja pakiety — prahłynuŭ, miarkujučy pa ŭsim, z pačastunkami.

Fota: Alaksiej Kaleśnikaŭ, minsknews.by

Viarbludy papularnyja siarod naviedvalnikaŭ — ich lubiać nie tolki pahładzić, ale i pakarmić: batonam, chlebam, čypsami, žujkami. Adna naviedvalnica zaaparku pryznałasia: častavała viarbluda pop-kornam, a toj prahłynuŭ uvieś kardonny pakunak. U toj raz usio abyšłosia. Kardon, mabyć, žyviolina pieravaryć zmahła, a voś porcyja cełafanu stała śmiarotnaj.