Nastupnym hościem kłuba Śviatłany Aleksijevič budzie piśmieńnik Uładzimir Sarokin
21.04.2017 / 09:02
Nastupnym lektaram intelektualnaha kłuba Śviatłany Aleksijevič budzie rasijski piśmieńnik Uładzimir Sarokin. Pra heta nobieleŭskaja łaŭreatka abviaściła naprykancy sustrečy z publicystam Alaksandram Marozavym, jakaja adbyłasia 20 krasavika. Piśmieńnica nie ŭdakładniła datu nastupnaha pasiadžeńnia kłuba.
Uładzimir Sarokin — adzin z samych jarkich i skandalnych pradstaŭnikoŭ sučasnaj rasijskaj litaratury. Słavu jamu prynios raman «Błakitnaje sała».
Apošnija ramany Uładzimira Sarokina — «Tełuryja» (2013) i «Manaraha» (2017). Hałoŭny hieroj «Manarahi» — Hieza Jasnadvorski, syn polskaj tatarki i biełaruskaha habreja. Hetaja detal — adna ź niešmatlikich, što źviazvajuć Sarokina i Biełaruś.