U Paryžy palicyja zatrymała kala 150 demanstrantaŭ, 29 ź ich pakinutyja pad vartaj FOTA
Manifiestanty, jakija pryličvajuć siabie da «antyfašystaŭ», palili dymavyja šaški, kidali ŭ palicyju butelki i kryčali «Ni Lo Pen! Ni Makron!», pieradaje RFI.
24.04.2017 / 13:55
REUTERS/Jean-Paul Pellisier
Akcyja pratestu prajšła ŭ niadzielu, 23 krasavika, na Płoščy Bastylii, dzie sabrałasia kala piacisot čałaviek. Maładyja ludzi, u asnoŭnym, u maskach, płanavali arhanizavać «noč barykad» paśla abviaščeńnia vynikaŭ pieršaha tura vybaraŭ prezidenta, jakija jany rascanili jak «pieramohu nacyjanalistki i staŭlenika aliharchii». Ludzi vykrykvali: «Jaki b ni byŭ vynik, my jaho nie pryznajem!», «Paryž, Paryž, antyfa!» i «Voźmiem Płošču Bastylii!»
AFP/GETTY IMAGES
Paśla taho, jak pratestanty stali kidać — u tym liku, u palicyju — roznyja pradmiety, pačalisia zatrymańni.
REUTERS
U vyniku, jak paviedamiła ŭ paniadziełak prefiektura palicyi, było zatrymana 143 čałavieki. 29 ź ich byli pakinutyja pad vartaj.