«Dadumki nie kamientujem», — Minabarony Biełarusi pra toje, što vojski Rasii mohuć zastacca

28.04.2017 / 13:09

«Domysłami» ŭ kamientary dla Radyjo Svaboda nazvaŭ aficyjny pradstaŭnik Ministerstva abarony Uładzimir Makaraŭ infarmacyju pra toje, što Rasija moža vykarystać vučeńni «Zachad-2017» dla taho, kab pakinuć vajskovy kantynhient u Biełarusi na pastajanna.

Takuju mahčymaść u intervju ahienctvu Reuters napiaredadni ahučyŭ ministr abarony Estonii Marhus Cachkna. Jon udakładniŭ, što krainy NATO vałodajuć źviestkami raźviedki, jakija pacviardžajuć raźvićcio padziejaŭ mienavita pavodle takoha scenara.

«Roznaha kštałtu domysły vajskovaje viedamstva nie kamientuje», — byŭ łakaničnym pałkoŭnik Makaraŭ.