Салістка Navi: Трэба карыстацца нашай прыгожай мовай і верыць у Беларусь
12.05.2017 / 09:43
Пра гэта ўдзельнікі гурту Naviband заявілі на прэс-канферэнцыі пасля паўфінала.
Арцём Лук'яненка заявіў, што яны змаглі даказаць многім, што беларуская мова мае сілу. Ксенія спадзяецца, што іх выступ мецьме ўплыў на беларускую моладзь.
— Трэба карыстацца нашай прыгожай мовай і верыць у Беларусь: у нашу гісторыю, у нашую моц. Яна ў нас ёсць, — кажа Ксенія.
— І падтрымліваць адзін аднаго, — дадае Арцём.
На фінальны выступ Naviband таксама настроены пазітыўна.
— Мы рушым сваім шляхам і нам удаецца. Таму мы ні на што не разлічваем, выйдзем і так жа будзем атрымліваць задавальненне, — сказаў Арцём.