Imša za kalučym drotam
Videa
Infarmacyjnaja ahiencyja Agence France-Presse źniała repartaž pra viosku na litoŭska-biełaruskim pamiežžy. Adna vioska — dźvie nacyi. Trochmetrovy mur z kalučaha drotu padzialiŭ viosku Sakalin an dźvie častki — litoŭskuju i biełaruskuju. Ale tak było nie zaŭždy.
18.08.2008 / 13:35
Hety repartaž Agence France-Presse zapisany pa-anhielsku, tamu prapanujem vašaj uvazie pierakład na biełaruskuju movu:
Adna vioska — dźvie nacyi. Trochmetrovy mur z kalučaha drotu padzialiŭ viosku Sakalin an dźvie častki — litoŭskuju i biełaruskuju. Ale tak było nie zaŭždy. Dana ŭzhadvaje časy da padziełu:
«Spačatku my ŭsie žyli razam, ale potym jany padzialili nas. Jak piroh. Adzin kavałak dali susiedziam, inšuju pakinuli nam».
Miaža źiaviłasia tut paśla raspadu Savieckaha Sajuzu. U minułym śniežni Litva adčyniła svaju miažu z Zachodniaj Eŭropaj, ale nie ź Biełarusiaj. Z taho času košt vizaŭ dasiahnuŭ 25 eŭra dla litoŭcaŭ, i 60 eŭra dla biełarusaŭ. Heta čverć siaredniaha miesiačnaha zarobku.
Kožnuju niadzielu hetyja biełaruskija žančyny naviedvajuć imšu, nazirajučy za joju praz kalučy drot. Viaskovy kaścioł znachodzicca na litoŭskim baku, mohiłki taksama.
«Ja chaču, kab jany adčynili miažu i puścili nas. Ja chaču, kab mianie pachavali tam, razam sa svaim mužam. U mianie ŭžo i miesca tam navat padrychtavanaje».
Litva i Biełaruś viaduć kansultacyi na hety kont. Ale navat tady, kali vizavy režym budzie pasłableny, žychary Sakalinu nia zmohuć volna kamunikavać z susiedziami. Da najbližejšaha pamiežnaha pierachodu — 70 kilametraŭ.