Беларускі міліцыянт патануў у Іспаніі, ратуючы дзяцей
22.06.2017 / 15:24
Трагічны выпадак здарыўся 20 чэрвеня на іспанскім курорце Алікантэ.
40-гадовы супрацоўнік беларускага МУС Аляксандр адпачываў разам з жонкай і двума дзецьмі. Як распавялі Onliner.by знаёмыя сям'і, дзяцей — узростам 5 і 9 гадоў — нечакана стала зацягваць у мора плынню. Бацькі кінуліся ратаваць іх.
Ірына, якая плавае лепш, выплыла разам з дзецьмі, а вось Аляксандр патануў. Праз дзве хвіліны ратавальнікі змаглі выцягнуць яго на пляж, але рэанімацыя не дала плёну.
Ускрыццё пацвердзіла, што алкаголю ў крыві беларуса не было.