MZS zaniepakojenaje vandalizmam u dačynieńni da biełaruskamoŭnych darožnych znakaŭ u Polščy
04.07.2017 / 20:43
3 lipienia źjaviłasia infarmacyja, što ŭ Padlašskim vajavodstvie Polščy, a mienavita ŭ hminie Orla, dzie bolšaść žycharoŭ składajuć etničnyja biełarusy, nieviadomyja zafarbavali biełaruskamoŭnyja nazvy na darožnych znakach.
Zdareńnie prakamientavaŭ pres-sakratar MZS Biełarusi Dźmitryj Mirončyk:
«Taki fakt mieŭ miesca. Nas asabliva naściarožvaje, što heta nie pieršy vypadak vandalizmu ŭ dačynieńni da biełaruskamoŭnych darožnych znakaŭ. Spadziajemsia, što ŭ hety raz, u adroźnieńnie ad papiarednich, vinavatyja buduć ustanoŭleny.
Zychodzim z taho, što padobnyja prajaŭleńni, jakija zakranajuć pačućci nacyjanalnych mienšaściej, zasłuhoŭvajuć rašučaha asudžeńnia jak uładami, tak i ŭsimi zdarovymi siłami hramadstva».