La bierahoŭ Indanezii znajšli redki «letapis» cunami za 5000 hadoŭ

U prybojnaj piačory na terytoryi Indanezii było vyjaŭlena samaje staražytnaje śviedčańnie ab cunami. Adbitku ŭ apadkavaj parodzie mierkavana kala 5000 hadoŭ. Ab znachodcy paviedamlaje Nature Communications.

20.07.2017 / 12:12

Adkryćcio było zroblena ŭ piačory na zachodnim uźbiarežžy Sumatry na poŭdzień ad horada Banda-Ačech, jaki byŭ spustošany cunami ŭ śniežni 2004 hoda. Znachodka ŭjaŭlaje saboj paśladoŭnyja płasty piasku, pamiotu kažanoŭ i abłomkaŭ, jakija ŭtvarylisia pamiž pieršym i šostym tysiačahoddziami da našaj ery. Stratyhrafičnyja płasty, jakija ŭźnikli paźniej, byli zmytyja ŭ vyniku cunami 2004 hoda.

Daśledčyki vyryli ŭ L-padobnaj piačory šeść tranšej i z dapamohaj mietadu radyjevuhlarodnaha analizu vyśvietlili ŭzrost płastoŭ parod. Za nazvany pieryjad, pavodle daśledavańnia, prajšło kala 11 cunami. Za 5000 hadoŭ adno tysiačahoddzie prajšło naohuł biez cunami, a jašče ŭ adno stahoddzie ŭźbiarežža paciarpieła adrazu ad čatyroch udaraŭ stychii.