Знойдзеныя новыя гіганцкія каметы

26.07.2017 / 13:19

Астраномы з ЗША прыйшлі да высновы, што камет, ядро якіх дасягае ў дыяметры 1 км і больш, у 7 разоў больш, чым лічылі эксперты раней. Вынікі даследавання апісаны ў Astronomical Journal, коратка асноўныя яго тэзісы апублікаваныя на сайце nasa.gov. Удакладніць лік камет астраномы змаглі, вывучыўшы дадзеныя з тэлескопа Wide-Field Infrared Survey Explorer (WISE). Адзначаецца, што хімсклад камет амаль не змяніўся з моманту фарміравання Сонечнай сістэмы.