МЗС рэкамендуе грамадзянам Беларусі ўстрымацца ад наведвання Кеніі

03.08.2017 / 20:37

«Напярэдадні ўсеагульных выбараў у Рэспубліцы Кенія, запланаваных на 8 жніўня 2017 года, у краіне адзначаецца пагаршэнне сітуацыі ў галіне грамадскай бяспекі. Не выключаецца імавернасць правакацыйных дзеянняў і тэрарыстычных актаў у грамадскіх месцах», — паведамляецца на сайце Міністэрства замежных спраў.

У сувязі з гэтым МЗС рэкамендуе грамадзянам Беларусі ўстрымацца ад наведвання Кеніі без асаблівай неабходнасці да стабілізацыі абстаноўкі.