Бэрлінская сьцяна
Саміт Украіна – ЭС у Парыжы не прынёс украінскаму боку нічога шматабяцальнага. Прычына - у стаўленьні Нямеччыны.
10.09.2008 / 16:41
Саміт Украіна – ЭС у Парыжы не прынёс украінскаму боку нічога шматабяцальнага, апроч запэўніваньняў у эўрапейскасьці краіны, пішуць брытанскія СМІ.
Надзеі Ўкраіны на цясьнейшыя дачыненьні з ЭС, як спосаб захаваньня ад прэтэнзіяў Расеі, пахаваныя, пішуць брытанскія «Financial Times» і «Guardian».
На аўторкавым саміце ў Парыжы, які цяпер старшынюе ў Эўрасаюзе, афіцыйны Кіеў так і не пачуў пра пэрспэктывы членства ў саюзе. Паводле брытанскай прэсы, найбольш неахвотна абмяркоўвалі эўрапэрспэктывы Ўкраіны Нямеччыны і Галяндыя.
Падкрэсьліваецца, што паміж чальцамі ЭС няма адзінства па ўкраінскім пытаньні. Афіцыйнаму Кіеву закідаецца палітычная нестабільнасьць, у прыватнасьці апошні па часе распад празаходняй урадавай кааліцыі. Акрамя таго, піша «The Times», Нямеччына, Італія ды краіны Бэнілюксу апасаюцца пагаршэньня стасункаў з Расеяй.
Францыя, з аглядкай на Нямеччыну і Галяндыю, спрабавала падаць Украіне пазытыўны знак, акрэсьліць пэрспэктыву супрацоўніцтва, аднак Кіеў непакоіцца, што высілкі ў гэтым накірунку аслабнуць, як толькі аціхне крызыс у Грузіі.