Эдуард Малафееў узначаліў «Дынама»
Праўда, піцерскае, а ня менскае.
27.09.2008 / 10:18
У пятніцу была падпісаная працоўная дамова з новым галоўным трэнэрам піцерскага «Дынама». Ім стаў вядомы беларускі спэцыяліст Эдуард Васільевіч Малафееў. У гэты ж самы дзень Малафееў правёў нараду з удзелам усіх супрацоўнікаў клюбу, на якім агучыў свае патрабаваньні і азнаёміўся зь бягучымі справамі.
Нагадаем, што ў прамежак часу ад 2001 да 2003 гадаў Эдуард Малафееў быў галоўным трэнэрам нацыянальнай зборнай Беларусі. А 1982 годзе Малафееў прывёў менскае «Дынама» да залатых мэдалёў саюзнага першынства.