Našto chadzili pa praspekcie?
Ministerstva justycyi patrabuje tłumačeńniaŭ ad palityčnych partyj pa fakcie parušeńnia dziejnaha zakanadaŭstva 28 vieraśnia
30.09.2008 / 12:12
Ministerstva justycyi Biełarusi zapatrabavała ŭ palityčnych partyj tłumačeńnia pa fakcie parušeńniaŭ dziejnaha zakanadaŭstva. Ab hetym havorycca ŭ paviedamleńni Miniusta.
Ukazvajecca, što 28 vieraśnia 2008 hoda ŭ Minsku adbyłosia niesankcyjanavanaje masavaje mierapryjemstva, u jakim uziali ŭdzieł asobnyja pradstaŭniki kiraŭnictva niekatorych palityčnych partyj i vykarystoŭvałasia simvolika hetych palityčnych abjadnańniaŭ. Mierapryjemstva było praviedziena z parušeńniem zakanadaŭstva Respubliki Biełaruś ab masavych mierapryjemstvach i z hrubymi parušeńniami hramadskaha paradku, paviedamlaje Miniust.
Jak zajaviŭ BiełaPAN namieśnik staršyni Partyi BNF Viktar Ivaškievič, nijakich aficyjnych zvarotaŭ Miniusta pa stanie na 29 vieraśnia partyja nie atrymlivała. Toje ž samaje skazali lider Abjadnanaj hramadzianskaj partyi Anatol Labiedźka i namieśnik staršyni Partyi kamunistaŭ Biełaruskaj Valeryj Uchnaloŭ.