СМІ: Грэцыя вырашыла адклікаць свайго пасла з Расіі
10.08.2018 / 21:53
Улады Грэцыі прынялі рашэнне адклікаць свайго пасла з Расіі, пра гэта паведамілі грэчаскія СМІ, у тым ліку тэлеканал ANT1 са спасылкай на крыніцы і выданне Dikaiologitika.
Паводле іх даных, паслу Андрэасу Фрыганасу паведамілі пра гэта днём у пятніцу, а рашэнне пра адкліканне прымаў асабіста міністр замежных спраў Нікас Катзіас. У той жа час выданне Madata са спасылкай на крыніцы ў МЗС Грэцыі адмаўляе вяртанне пасла. Па словах суразмоўцы выдання, гэтага рашэння не было.
Пасаду пасла Грэцыі ў Расіі зойме іншы дыпламат, паведаміла ТАСС дыпламатычная крыніца ў Грэцыі.