У Хойніках у металалом здалі зараджаную гармату часоў вайны

24.12.2008 / 11:18

У Хойніцкім пункце прыёму другаснай сыравіны РУП «Гомельдругмет» 16 снежня была знойдзена зараджаная гармата часоў Вялікай Айчыннай вайны.

Як паведамілі БелаПАН у прэс‑групе УКДБ па Гомельскай вобласці, савецкая

45‑міліметровая гармата была разабрана, у яе ствале знаходзіўся артылерыйскі снарад.

Сапёры абясшкодзілі снарад, супрацоўнікі КДБ устанаўліваюць асобы грамадзян, якія здалі выбухованебяспечны металалом.