Зяленскі: У 2014 годзе я падтрымаў Парашэнку, аднак памыліўся

19.04.2019 / 19:33

Кандыдат у прэзідэнты Украіны, шоўмен Уладзімір Зяленскі заявіў, што на выбарах 2014 года падтрымаў кандыдатуру Пятра Парашэнкі.

Пра гэта ён заявіў падчас дэбатаў на стадыёне Алімпійскі ў Кіеве.

«Я сам быў за Парашэнку. Гэта праўда. Але я памыліўся. Мы памыліліся», — сказаў ён.

«Скажу вам шчыра, ці маглі мы тады ўявіць, што яго «Жыць па-новаму» стане нашым «выжываць». Ваша «Я скончу вайну за два тыдні» стане нашым Ілавайскам і Дэбальцавым», — працягнуў Зяленскі.