Łatvija pieršaj z krainaŭ EZ robić vizy dla biełarusaŭ biaspłatnymi
Adpaviednaje rašeńnie pryniaŭ siońnia kabinet ministraŭ Łatvijskaj Respubliki.
20.06.2006 / 23:47
Adpaviednaje rašeńnie pryniaŭ siońnia kabinet ministraŭ Łatvijskaj Respubliki.
Pieršy sakratar, kiraŭnik konsulska-vizavaj słužby ambasady Łatvii ŭ Biełarusi, Dzidra Łijepinia paviedamiła našamu radyjo:
(Łijepinia: ) «Siońnia pryniali pazytyŭnaje rašeńnie. Siońnia».
Ja spytaŭ spadaryniu Łijepiniu, ci nie apasajecca łatvijski bok mahčymaha napłyvu achvočych atrymać biaspłatnyja vizy. Nia vyklučana, što mieć ujaznyja dakumenty ŭ Łatviju pažadajuć navat tyja, chto, moža, potym i nie pajedzie tudy. Ci spraviacca supracoŭniki ambasady z kolkaściu žadajučych atrymać vizy? Kiraŭnik konsulska-vizavaj słužby razvažaje tak:
(Łijepinia: ) «My budziem staracca tak zrabić. Treba ŭličvać, što našaja kraina nie admianiaje zaprašeńniaŭ. Tamu kazać pra toje, što vizy voźmuć navat tyja, kamu jany, mahčyma, i nie spatrebiacca, na moj pohlad, dačasna».
Inicyjatyva zrabić biaspłatnyja vizy dla žycharoŭ Biełarusi zychodzić ad Eŭrapiejskaha parlamentu. Jašče letaś jahonyja deputaty zaklikali krainy Eŭraźviazu pajści na taki krok, kab spraścić biełarusam pieramiaščeńnie pa Eŭropie. I pieršaj na hety zaklik adhuknułasia Łatvija.
Da siońniašniaha dnia adnarazovaja viza ŭ Łatviju dla hramadzianaŭ Biełarusi kaštavała 35 eŭra, šmatrazovaja – 70. Letaś za vydaču vizaŭ konsulskija słužby ŭ Miensku j Viciebsku prynieśli biudžetu svajoj dziaržavy bolš jak paŭmiljona eŭra.