У Гомельскай вобласці праз ката закрылі на каранцін цэлую вёску
23.12.2019 / 21:04
У вёсцы Меркулавічы Чачэрскага раёна выяўлены выпадак шаленства ў ката, паведамляе Чачэрскі веснік.
Жыхарка вёскі паведаміла ратавальнікам аб неадэкватных паводзінах свойскай жывёлы. Гаспадыня замкнула ката ў пакоі і стала чакаць дапамогі. Да моманту прыезду ветэрынара кот памёр. Лабараторныя абследаванні пацвердзілі ў жывёлы шаленства.
Жанчына патлумачыла, што вусаты перыядычна адсутнічаў дома, таму не выключаны яго кантакт з дзікімі жывёламі. Населены пункт закрылі на каранцін.