Hruzinskuju pieśniu pra Putina nie puścili na Jeŭrabačańnie
videaklip
Abo pierapisać tekst abo abrać inšuju pieśniu – taki byŭ vierdykt kamisii. Hruzija admoviłasia ad udziełu ŭ konkursie.
10.03.2009 / 19:13
čacvier, 12 sakavika Hruzija ŭ sieradu admoviłasia ad udziełu ŭ konkursie. Udzielniki hurtu zajavili, što pierapisvać abo mianiać pieśniu nie buduć.
Tekst pieśni hurta «Stefanie i 3G» We don't wanna put in, ź jakim jon mieŭsia ŭdzielničać ŭ konkursie «Jeŭrabačańnie-2009», nie adpaviadaje praviłam konkursu.
Pra heta havorycca ŭ pres-relizie Jeŭrapiejskaha sajuza teletranślataraŭ (JEST).
«JEST aficyjna prainfarmavaŭ Hruzinskuju dziaržaŭnuju televiaščalnuju kampaniju, što słovy pieśni dla 54-ha konkursu Jeŭrabačańnie - 'We Don't Wanna Put In' - nie adpaviadajuć praviłam konkursu», - havorycca ŭ dakumiencie.
U adpaviednaści z praviłami, JETS prapanavaŭ Hruzii pierapisać tekst pieśni abo vybrać druhuju kampazicyju dla ŭdziełu ŭ konkursie.Dedłajn – 16 sakavika.
Sioleta «Jeŭrabačańnie» projdzie ŭ Maskvie. Pieršy paŭfinał 12 traŭnia (udzielničaje biełarus Piotr Jałfimaŭ, druhi paŭfinał – 14 traŭnia (udzielničaje biełarus ad Narviehii – Alaksandar Rybak), finał – 16 traŭnia.