ЗША абвінавацілі Расію ў кампаніі дэзінфармацыі пра каранавірус
22.02.2020 / 20:40
Расія стаіць за маштабнай кампаніяй па дэзінфармацыі сітуацыі вакол каранавіруса, піша AFP са спасылкай на амерыканскія крыніцы.
Тысячы звязаных з Расіяй акаўнтаў у Twitter, Facebook і Instagram распаўсюджваюць дэзінфармацыю пра вірус COVID-19, накіраваную супраць Злучаных Штатаў.
Фэйкі ствараюцца на англійскай, французскай, іспанскай, італьянскай і нямецкай мовах, а сярод тэорый, што распаўсюджваюцца расіянамі, — ідэя аб тым, што вірус быў створаны ЗША для «вядзення эканамічнай вайны з Кітаем».
Таксама адзін з месэджаў кампаніі — што COVID-19 нібыта з'яўляецца «біялагічнай зброяй ЦРУ».