П’яны ўкраінец спрабаваў прарвацца на тэрыторыю Беларусі
Інцыдэнт адбыўся ўчора на памежным пераходзе Новыя Ярылавічы.
20.03.2009 / 16:25
19 сакавіка грамадзянін Украіны на аўто ВАЗ – 2105 на вялікай хуткасці паспрабаваў прарвацца на тэрыторыю Беларусі ў пункце пропуску на памежным пераходзе Новыя Ярылавічы, што на Чарнігаўшчыне. Яго затрымалі з дапамогай спецыяльных сродкаў прымусовага спынення. Мужчына, як выявілася, быў моцна выпіўшы і не меў пры сабе дакументаў. Як заявіў затрыманы, аўто належыць ягонай маці, прычыны ўчынку патлумачыць ён не здолеў.
Назва пераходу Новыя Ярылавічы не першы раз трапляе ў СМІ. У ліпені гэтага году тут затрымалі грамадзяніна Беларусі, які спрабаваў вывезці за межы Ўкраіны старажытны абраз.