Martynaŭ: Łukašenka voźmie ŭdzieł u pražskim samicie
Siarhiej Martynaŭ paćvierdziŭ, što Alaksandr Łukašenka razam ź inšymi kiraŭnikami postsavieckich krain — udzielnic prahramy «Ŭschodniaje partniorstva» budzie prysutničać na samicie ES u Prazie.
22.04.2009 / 18:28
Znachodziačysia ź vizitam u stalicy Łatvii, ministr zamiežnych spraŭ Biełarusi Siarhiej Martynaŭ paćvierdziŭ, što Alaksandr Łukašenka razam ź inšymi kiraŭnikami postsavieckich krain — udzielnic prahramy «Ŭschodniaje partniorstva» budzie prysutničać na samicie ES u Prazie.
Jak pieradaje ahienctva France Presse (AFP), kiraŭnik zamiežnapalityčnaha viedamstva Biełarusi, vystupajučy ŭ Ryzie, taksama adznačyŭ, što ŭ jahonaj krainie «nie aryštoŭvajuć za palityčnyja pierakanańni».
«U Biełarusi niama palitviaźniaŭ, a jość siabry apazicyi, jakija apynulisia za kratami vyklučna ŭ vyniku kryminalnych złačynstvaŭ», — padaje słovy biełaruskaha ministra zamiežnych spraŭ AFP.