Некалькі беларускіх банкаў спынілі выдачу крэдытаў фізічным асобам
27.08.2020 / 20:43
Пяць беларускіх банкаў часова перасталі выдаваць крэдыты фізічным асобам.
З 18 жніўня крэдытаванне прыпыніў РРБ-Банк. Услед за ім, 26 жніўня, аб адсутнасці магчымасці ўзяць спажывецкі крэдыт «Універ» праінфармаваў БТА Банк.
27 жніўня стала вядома, што выдачу крэдытных рэсурсаў прыватным кліентам спыніў БПС-Сбербанк.
З 28 жніўня таксама ўсе крэдыты будуць прыпыненыя ў Тэхнабанку. Адмаўляе ў выдачы крэдытаў фізічным асобам і Белгазпрамбанк.