Studenty MDŁU pahražajuć pačać strajk
03.09.2020 / 14:59
U faje Mienskaha dziaržaŭnaha linhvistyčnaha ŭniversytetu siońnia źbirali podpisy pad petycyjaj da rektara Natalli Baranavaj. Paźniej u studentaŭ adbyłasia sustreča z prarektaram pa vučebna-vychavaŭčaj rabocie Ŭładzimieram Paškievičam, piša Radyjo Svaboda.
U petycyi studenty i supracoŭniki ŭniversytetu patrabujuć ad rektara ŭ suviazi z parušeńniem hramadzianskich i palityčnych pravoŭ «vystupić z adnaznačnaj zajavaj» u padtrymku šerahu patrabavańniaŭ da ŭładaŭ:
— adstaŭki Alaksandra Łukašenki;
— spynieńnia hvałtu i pakarańnia vinavatych u katavańniach;
— nieadkładnaha vyzvaleńnia ŭsich palitviaźniaŭ;
— adstaŭki Centrvybarkamu;
— praviadzieńnia paŭtornych vybaraŭ.
Kali hetyja patrabavańni nia buduć vykananyja studenty pahražajuć pačać strajk.
Padčas sustrečy z prarektaram Uładzimieram Paškievičam studenty patrabavali taksama tłumačeńniaŭ adnosna ŭčorašnich zatrymańniaŭ.