Pamiežny kamitet adkazaŭ mitrapalitu Kandrusieviču, jon pa-raniejšamu nie moža pryjechać na radzimu
11.09.2020 / 14:58
Fota Nadziei Bužan
Jak paviedamiŭ Svabodzie aficyjny pradstaŭnik Pamiežnaha kamiteta Anton Byčkoŭski, jahonaje viedamstva vysłała adkaz kiraŭniku Biełaruskaha kaścioła Kandrusieviču na jahonuju skarhu z pryčyny zabarony na ŭjezd u krainu z-za miažy. Što ŭ adkazie, jon admoviŭsia kazać, bo «heta asabistaja pierapiska».
Pakul Kandrusievič nie dastupny dla kamientaru, ale, jak patłumačyŭ Svabodzie pres-sakratar Biełaruskaj katalickaj carkvy Jury Sańko, mitrapalit prasiŭ nie publikavać źmiest hetaha adkazu.
Adnak zrazumieła, što jon nie zadavoleny adkazam, bo pa-raniejšamu nie moža ŭjechać u Biełaruś, i nakiravaŭ novyja skarhi ŭ Hienieralnuju prakuraturu i MUS Biełarusi, — paviedamiŭ Jury Sańko.
Nijakich tłumačeńniaŭ, na jakoj padstavie dziejničaje zabarona na ŭjezd hramadzianinu Biełarusi ŭ svaju krainu, ad pamiežnikaŭ pa-raniejšamu niama.
Nahadajem, što kiraŭnika Biełaruskaha kaścioła nie puścili nazad u Biełaruś, kali jon viartaŭsia z Polščy 31 žniŭnia.