Pasoł Ukrainy nakiravaŭ notu ŭ MZS Biełarusi za incydent z ahladam jaho mašyny
11.09.2020 / 21:00
Pasoł Ukrainy Ihar Kizim nakiravaŭ notu ŭ Ministerstva zamiežnych spraŭ Biełarusi ŭ suviazi z parušeńniem Vienskaj kanvencyi, paviedamili «Radyjo Svaboda» ŭ pasolstvie Ŭkrainy ŭ Miensku.
Padstavaj stała pravierka na biełaruskaj miažy aŭtamabila pasła Ihara Kizima, jaki viartaŭsia z Kijeva paśla kansultacyj u Ministerstvie zamiežnych spraŭ Ukrainy ŭ Miensk.
Na miažy pasoł papiaredziŭ biełaruskich pamiežnikaŭ, što ich patrabavańni nie adpaviadajuć Vienskaj kanvencyi ab dyplamatyčnych stasunkach, i zajaviŭ, što napiša notu ŭ MZS Biełarusi ŭ vypadku jaje parušeńnia, što nie spyniła pamiežnikaŭ.
Vienskaja kanvencyja praduhledžvaje niedatykalnaść majomaści i transpartu dyplamataŭ.
11 vieraśnia Pamiežny kamitet Biełarusi apublikavaŭ videa pravierki aŭtamabila ambasadara, admaŭlajučy parušeńnie kanvencyi.