Łatuška: Kaardynacyjnaja rada nieŭzabavie pradstavić prahramu vychadu z kryzisu
21.09.2020 / 16:37
Fota Nadziei Bužan
Kaardynacyjnaja rada biełaruskaj apazicyi hatova ŭ najbližejšy čas pradstavić prahramu pieraadoleńnia kryzisu ŭ krainie. Pra heta siabra prezidyuma Kaardynacyjnaj rady Pavieł Łatuška zajaviŭ u paniadziełak na pazačarhovym pasiadžeńni Kamiteta pa zamiežnych spravach Jeŭraparłamienta, vystupajučy pa videasuviazi z Varšavy, piša TASS.
«Kaardynacyjnaja rada pradstavić u najbližejšy čas antykryzisnuju prahramu dla našaj krainy, jakaja budzie ažyćciaŭlacca adnačasova z reformaj dziaržaŭnaha kiravańnia i miascovaha samakiravańnia», — skazaŭ jon.
Pavodle jaho słoŭ, Biełaruś znachodzicca na krai ekanamičnaj prorvy. «Mienavita dziejučaja ŭłada hadami viała da hetaha kraju. Biełarusy hatovyja ciarpieć i pieraadolvać składanaści, kali budzie nadzieja na pieramieny.
Z hetaj uładaj ni nadziej, ni iluzij», — zajaviŭ jon.