Čamu łoś vychodzić na darohu? Tłumačyć śpiecyjalist
22.09.2020 / 07:45
Za apošni tydzień kiroŭcy ŭsio čaściej zaŭvažajuć dzikich žyvioł na prajeznaj častcy. Asabliva aktyŭnymi stali łasi, niečakanyja sustrečy ź jakimi ŭžo skončylisia śmiarotnymi DTZ. Z čym źviazanyja takija vyłazki žyvioł, karespandent ahienctva «Minsk-Naviny» daviedałasia ŭ viadučaha zaatechnika Minskaha zaaparka Alaŭciny Cimaškovaj-Krasoŭskaj.
— Ciapier u łasioŭ pačynajecca pieryjad honu. Tut i dzialba terytoryi, i pošuk samak, — raspaviała śpiecyjalist. — Praściej kažučy, ich aktyŭnaść źviazanaja ź pieryjadam kachańnia.
Na žal, źjaŭleńnie lasnych nasielnikaŭ na darozie vyklikaje trahiedyi.
Tak, u minułyja vychadnyja łoś spravakavaŭ surjoznaje DTZ pad Minskam: lehkavik sutyknuŭsia z žyviołaj, paśla čaho vylecieŭ na sustrečnuju pałasu i ŭrezaŭsia ŭ jašče adzin aŭtamabil. U vyniku try čałavieki pamierli, a niepaŭnaletniaha pasažyra adnaho z aŭto špitalizavali z traŭmami.
Jašče adzin incydent skončyŭsia sumna dla pradstaŭnika faŭny. Łoś vyskačyŭ na MKAD dniom 19 vieraśnia i byŭ źbity mikraaŭtobusam. Kiroŭca nie paciarpieŭ, a žyvioła zahinuła.