Афіцыйнай інфармацыі ні пра рэпетыцыю інаўгурацыі, ні пра інаўгурацыю дагэтуль няма
23.09.2020 / 10:41
«Радыё Свабода» паведамляе, што каля Палаца Незалежнасці з мікрааўтобусаў высаджваюць людзей. Яны ў парадных гарнітурах.
Таксама стала вядома пра тое, што перакрыты праспект Незалежнасці, рух на праспекце абмежаваны.
Закрыты праезд у бок плошчы Перамогі ад станцыі метро «Плошча Якуба Коласа». Перакрылі і вуліцу Сурганава — усіх кіроўцаў разварочваюць перад Домам друку.
Перакрыта вуліца Нарачанская ад «Мінск-Арэны» да праспекта Пераможцаў, а таксама вуліца Сапёраў з боку Ціміразева.
Афіцыйнай інфармацыі ні пра рэпетыцыю інаўгурацыі, ні пра інаўгурацыю дагэтуль няма.