Minčuk znajšoŭ čužuju bankaŭskuju kartku i patraciŭ za paŭtara tydnia 17,5 tysiačy rubloŭ
23.09.2020 / 16:16
Fota Voli Aficeravaj
Minčuk prysvoiŭ znojdzienuju bankaŭskuju kartu i raźličvaŭsia joj ciaham dvuch tydniaŭ, piša pres-słužba MUS.
Chłopiec znajšoŭ bankaŭskuju bieskantaktavuju kartu z mahčymaściu nieabmiežavanaj kolkaści płaciažoŭ u padziemnym pierachodzie adnoj sa stancyj mietrapalitena.
Małady čałaviek karystaŭsia znachodkaj na praciahu dvuch tydniaŭ, u vyniku čaho ŭładalnik karty pazbaviŭsia 17,5 tys. rub. Hrošy chłopiec traciŭ na dzicia, upryhožvańni, tualetnuju vadu i pachod žonki ŭ sałon pryhažości.
Apieratyŭniki pa baraćbie z kibierzłačynstvami jaho zatrymali. Raniej jon užo pryciahvaŭsia da kryminalnaj adkaznaści za majomasnyja złačynstvy. U dačynieńni da chłopca była raspačataja kryminalnaja sprava za kradziež šlacham vykarystańnia kampjutarnaj techniki.