У Расіі зафіксаваны першы выпадак свінога грыпу
Хворы прыляцеў у Маскву з ЗША ў пачатку гэтага тыдня. Ад чацвярга ён знаходзіцца ў інфекцыйнай бальніцы.
22.05.2009 / 22:43
У Расіі зарэгістраваны першы выпадак захворвання на свіны грып.
Хворы прыляцеў у Маскву з ЗША ў пачатку гэтага тыдня. Ад чацвярга ён знаходзіцца ў інфекцыйнай бальніцы.
Гэта 28-гадовы мужчына, які працаваў паводле кантракту амаль дзевяць месяцаў у Нью-Ёркскім універсітэце.
Ён сам звярнуўся да дактароў з сімптомамі ВРВІ. Але вынікі аназілаў, што правялі дактары (на гэта ідзе менш чым суткі) пацверділі ў яго грып штаму H1N1.
Паводле медыкаў, лячэнне ідзе паспяхова.
Ужо правераныя ўсе, з кім кантактаваў захварэлы, але ў ані ў кога захворвання не выяўлена.
У пятніцу Сусветная арганізацыя аховы здароўя абвясціла, што ўсяго ў свеце зафіксавана 11 тыс. 168 выпадкаў захворвання на свіны грып у 42 краінах. Памерлі 86 чалавек.
Найбольш небяспечнымі ў гэтым плане лічацца наступныя краіны: Мексіка, ЗША і Іспанія. У дачыненні да іх, у расійскіх аэрапортах, уведзены санітарны рэжым. Усе прамыя ці транзітныя рэйсы правяраюцца цеплавізарамі.