Сайт CityDog пачаў эксперымент, каб папулярызаваць беларускую мову
Як паведаміла рэдакцыя сайта, некаторыя беларускамоўныя тэксты, якія выходзяць на CityDog, цяпер будуць суправаджацца аўдыядарожкамі, агучанымі голасам «купалаўкі» Крысціны Дробыш.
19.07.2022 / 18:09
Эксперымент рэдакцыя робіць з упэўненасцю, што дзякуючы такім аўдыятрэкам людзі, якія не вельмі добра размаўляюць па-беларуску, змогуць разумець родную мову лепш — і ў выніку хутчэй яе вывучыць.
Карыстацца новай функцыяй проста: пасля адкрыцця тэксту ўключаецца аўдыядарожка, размешчаная на пачатку матэрыялу, а далей можна проста слухаць падкаст ці сачыць па тэксце за голасам дыктаркі.