«Дняпро» нарабіў шкоды на 2,34 мільярды рублёў

Паводле папярэдніх падлікаў, урон, нанесены падзеньнем ракеты РС-20 «Дняпро», склаў амаль 41 млрд. тэнге (2,34 млрд беларускіх рублёў). Такая лічба была агучана падчас пазачарговай 28-й сэсіі дэпутатаў масліхата Кызылардзінскай вобласьці.

08.08.2006 / 20:13

Паводле папярэдніх падлікаў, урон, нанесены падзеньнем ракеты РС-20 «Дняпро», склаў амаль 41 млрд. тэнге (2,34 млрд беларускіх рублёў). Такая лічба была агучана падчас пазачарговай 28-й сэсіі дэпутатаў масліхата Кызылардзінскай вобласьці.

Падчас пасяджэньня акім вобласьці Ікрам Адырбекаў паведаміў, што дасягнута дамоўленасьць з трыма НДІ, якія цягам году будуць весьці назіраньні за адхіленьнямі ў здароўі, весьці маніторынг навакольнай асяродзьдзі.

«Паводле папярэдніх разьлікаў, памер урону ацэньваецца ў 40 млрд. 718 млн. тэнге», - адзначана падчас пасяджэньня дэпутатаў.

Па выніках сэсіі вырашана накіраваць ліст кіраўніцтву краіны з просьбай абвяшчаць маратор на выкарыстаньне гептылу для запуску ракет.

kz-today.kz