Стала вядома, калі паедуць цягнікі па дзіцячай чыгунцы
Дзіцячая чыгунка ў Мінску адкрыецца ў нядзелю, 30 красавіка, паведамляе прэс-служба БЧ.
16.04.2023 / 08:29
У першы рэйс поезд з пасажырамі адправіцца 30 красавіка ў 11:00 па маршруце ад станцыі Заслонава праз станцыю Піянерская да станцыі Сасновы Бор і назад.
У маі цягнікі будуць курсіраваць у выхадныя і святочныя дні: 1, 6, 7, 8, 9, 14, 20, 21, 27 і 28 мая.
Юныя пасажыры змогуць паспрабаваць сябе ў ролі машыніста. У зале чакання на станцыі Заслонава дзейнічае гульнявы модуль, які імітуе працоўнае месца машыніста з кіраваннем лакаматывам і адлюстраваннем на экранах руху па ўчастку чыгункі.