Кампанія Hvilina выпусціла гадзіннік з эстэтыкай прамысловасці XVIII стагоддзя
Hvilina выпусціла абноўленую калекцыю механічных наручных гадзіннікаў L & Mr. За аснову ўзятая важная гістарычная падзея 1830 года — адкрыццё чыгункі Ліверпуль-Манчэстэр (Liverpool and Manchester Railway) у Вялікабрытаніі, піша Blizko.by.
13.06.2023 / 16:36
У новай серыі прадстаўленыя механічныя мадэлі ў двух каляровых рашэннях ў стылі Industrial. Іх галоўнай асаблівасцю з'яўляецца новы механізм і спецыяльны завадны ключ Hvilina-winder.
Візітнай карткай абноўленай лімітаванай калекцыі L & MR паслужылі новы механізм Miyota 9029 premium automatic (24 рубінавыя камяні), а таксама спецыяльны ключ для яго завода Hvilina-winder.
Змяніўся і агульны знешні выгляд, стаўшы больш стрыманым і вытанчаным. Празрыстае задняе вечка цяпер дэманструе працу механізму, а на ротары выканана гравіроўка з датай адкрыцця чыгункі.
У абноўленым дызайне цыферблата з'явілася акно, якое адкрывае элемент механізму.
Калекцыя L & MR натхнёная эпохай прамысловай рэвалюцыі XVIII-XIX стагоддзяў. Гэты перыяд быў напоўнены вялікай колькасцю новых адкрыццяў і смелых рашэнняў. Адным з такіх стаў пачатак развіцця чыгуначнага транспарту.
Гадзінная стрэлка — сучасная інтэрпрэтацыя дызайну еўрапейскіх вакзальных гадзін таго часу. Выдзеленая колерам адзнака на 27 хвіліне — адсылка да гістарычнага факту: цягнікі на чыгунцы Ліверпуль — Манчэстэр курсіравалі з хуткасцю 27 км/г. Бакавіны корпуса ў анфас стылізаваныя пад чыгуначныя рэйкі.
Завадны ключ Hvilina-winder — новы элемент, які закліканы разнастаіць вопыт выкарыстання наручных гадзіннікаў, а таксама вырашыць тэхнічныя выклікі складанага корпуса. У дызайне заваднога ключа выкарыстаная адсылка да эстэтыкі стылю Industrial з фірмовай гравіроўкай.
Калекцыя прадстаўленая механічнымі мадэлямі ў двух каляровых рашэннях. Корпус гадзіннікаў выраблены з нержавеючай сталі, шкло — сапфіравае, раменьчык з натуральнай скуры. Аб'ёмная стылізаваная скрынка пагружае ў эстэтыку калекцыі з моманту распакавання.
Новая калекцыя ўжо даступная для перадзамовы са зніжкай 25% на сайце кампаніі. Усяго будзе выпушчана 200 штук кожнай мадэлі. У продаж гадзіннікі паступяць у кастрычніку.
Чытайце таксама:
У Беларусі зрабілі гадзіннік з карцінамі вядомага ўкраінскага мастака
Брэнд Hvilina выпусціў гадзіннікі з нацыянальным каларытам
Толькі паглядзіце, якую раскошную калекцыю гадзіннікаў Salidarnasć выпусціў беларускі вытворца