КДБ звярнулася да беларусаў праз жыроўкі
Кампанію застрашвання беларусаў лукашэнкаўскія спецслужбы вядуць нават праз жыроўкі з рахункамі на камунальныя плацяжы. Гродзенскі тэлеграм-канал, прысвечаны затрыманням і судам у гэтым рэгіёне, апублікаваў фотакопію такой паперы.
13.06.2023 / 22:09
У апублікаванай жыроўцы Камітэт дзяржаўнай бяспекі папярэджвае беларусаў, што спецслужбы замежных дзяржаў, маўляў, «робяць спробы вярбоўкі беларускіх грамадзян для атрымання разведвальнай інфармацыі, здзяйснення дыверсій і тэрактаў».
Дзеля таго, на думку лукашэнкаўскіх чэкістаў, да грамадзян могуць звяртацца праз сацыяльныя сеткі і месенджары з рознымі заманлівымі прапановамі: даваць розную інфармацыю, выканаць «нязначныя» просьбы, атрымліваць заробак «нестандартнымі спосабамі» і да т. п.
Адзінаправільнай рэакцыяй на гэтыя прапановы, на думку КДБ, мусіць быць зварот у рэпрэсіўныя структуры:
«Калі ў дачыненні да вас ці вашых блізкіх, знаёмых, сяброў, рабіліся падобныя дзеянні, праявіце свядомасць і неадкладна звярніцеся ў органы дзяржбяспекі».
Чытайце таксама:
Віцебскія лукашысты сталі запісваць відэа з анімаванымі персанажамі