Z adnoj turmy ŭ druhuju pryjechaŭ siem razoŭ asudžany haradzieniec
Na voli 37-hadovy mužčyna pabyŭ usiaho 6 hadzin. U dzień vyzvaleńnia z kałonii pa darozie dadomu ŭ Hrodna ŭ stanie ałkaholnaha apjanieńnia jon ździejśniŭ novaje złačynstva.
26.11.2009 / 13:52
Na voli 37-hadovy mužčyna pabyŭ usiaho 6 hadzin. U dzień vyzvaleńnia z kałonii pa darozie dadomu ŭ Hrodna ŭ stanie ałkaholnaha apjanieńnia jon ździejśniŭ novaje złačynstva.
Adznačyŭšy vychad na volu, mužčyna sieŭ u ciahnik da Hrodna, ale dajechać biez pryhodaŭ nie zmoh. Praciahnuć śviata jon vyrašyŭ tut ža — u ciahniku, praŭda hulać užo nie było za što. Tamu były źniavoleny pačaŭ patrabavać hrošy ŭ adnaho z pasažyraŭ vahona. Jon prystaviŭ da žyvata mužčyny ruku, imitujučy nož i razžyŭsia piaćciu tysiačami rubloŭ.
U Mastach paciarpieły zrabiŭ zajavu ŭ milicyju, a ŭ Hrodnie złamyśnika ŭžo sustrakaŭ narad milicyi. U vyniku z vaŭkavyskaj kałonii mužčyna pierajechaŭ u SIZA turmy №1 u Hrodnie. Raspačataja kryminalnaja sprava pavodle art. 206 č. 2 KK RB — «rabavańnie pa prykmietach adkrytaha vykradańnia majomaści, ździejśnienaha paŭtorna».