Сацслужбы «рассакрэцілі», колькі ў Мінску пенсіянераў. Пасля пандэміі гэту інфармацыю не публікавалі
У Фондзе сацабароны насельніцтва агучылі колькасць пенсіянераў, якія жывуць у Мінску, заўважыла «Люстэрка». Раней гэтыя даныя «засакрэцілі».
27.08.2023 / 13:19
Ілюстрацыйны здымак. Фота: «Наша Ніва»
У Мінску ў першым паўгоддзі з бюджэту ФСАН прафінансавалі выплату пенсій на 1 млрд 893,1 млн рублёў. «Атрымальнікамі якіх з'яўляюцца амаль 462 тыс. чалавек», — удакладняюць у ФСАН па Мінску. Як паведамляецца, выдаткі на пенсіі выраслі на 20,6% ці 323,7 млн рублёў у параўнанні з аналагічным перыядам 2022-га.
Раней інфармацыю аб колькасці пенсіянераў засакрэцілі як мінскія сацслужбы, так і Белстат у цэлым па краіне.
Напрыклад, 1 верасня 2021 года на ўліку ў сталіцы стаяла амаль 467 тысяч атрымальнікаў пенсій (па лініі ФСАН), гэта значыць прыкладна на 7 тысяч больш. У параўнанні з 2019 годам гэта на 20,6 тысячы менш.
Чытайце таксама:
Думаеце, колькасць пенсіянераў у Беларусі расце? Яна жахліва падае