У Марыупальскі ўніверсітэт на акупаваных тэрыторыях паступілі два беларусы
Два абітурыенты з Беларусі паступілі на вучобу ў Марыупальскі дзяржаўны ўніверсітэт імя Архіпа Куінджы, размешчаны на акупаванай Расіяй тэрыторыі Украіны. Пра гэта паведаміла кіраўніца гэтай установы Ларыса Сівалап, перадае ТАСС.
06.09.2023 / 16:55
Фота: mgumariupol.ru
Паводле калабарацыянісцкай чыноўніцы, у гэтым горадзе колькасць студэнтаў акупацыйнага ўніверсітэта ў Марыупалі вырасла ў 2023 годзе на траціну — з 3,2 тыс.да 4,3 тыс. Сярод тых, хто ў яго паступіў, людзі з 33 рэгіёнаў Расіі і з Беларусі.
Акрамя таго, цяпер, паводле Ларысы Сівалап, у гэтую ўстанову ідзе дадатковы набор, на які пададзена 200 заяў. Найбольш папулярныя спецыяльнасці, маўляў, юрыспрудэнцыя, муніцыпальнае кіраванне, практычная псіхалогія і фізічная культура.
Чытайце таксама:
Талай анансаваў прывоз у Беларусь новых груп украінскіх дзяцей