Новым кіраўніком Таварыства выратавання на водах стаў выхадзец з МУС
Новым старшынёй Беларускага рэспубліканскага таварыства выратавання на водах абраны Андрэй Чарняўскі, які працаваў у МУС з 1994 года.
08.09.2023 / 16:11
Андрэй Чарняўскі. Фота: МНС
Прызначэнне кіраўніцтва арганізацыі прайшло сёння на пасяджэнні яе рэспубліканскай рады, яно ўзгоднена з Аляксандрам Лукашэнкам.
У 2012-2016 гадах Чарняўскі ўзначальваў спецпадраздзяленне дарожна-патрульнай службы «Страла», у 2020-2023 працаваў намеснікам начальніка Галоўнага ўпраўлення — начальнікам упраўлення дарожна-патрульнай службы і прафілактыкі галоўнага ўпраўлення ДАІ міліцыі грамадскай бяспекі МУС.
Анвар Ігамбердзіеў, які да сённяшняга дня выконваў абавязкі старшыні, выведзены ў адпаведнасці са статута арганізацыі са складу рэспубліканскай рады Таварыства, паведамляе прэс-служба МНС.
У адпаведнасці з указам Лукашэнкі ад 20 чэрвеня 2023 года ў Таварыства выратавання на водах быў зацверджаны новы Статут. У арганізацыі створаны наглядальная рада пад кіраўніцтвам МНС, таксама МНС атрымала паўнамоцтвы прадстаўляць дзяржаву ў арганізацыі.
Чытайце таксама:
Прапагандыста Шпакоўскага зрабілі дыпламатам
Лукашэнка зняў яшчэ аднаго намесніка начальніка Генштаба
Былога старшыню Дзяржпагранкамітэта прызначылі на новую пасаду