«Падкрэслена, пабачыўшы мяне з Азаронкам, пачынаюць размаўляць на беларускай мове». Прапагандыст Пуставы пабачыў пакуты ў вачах беларусаў
Адыёзны прапагандыст Яўген Пуставы у эфіры тэлеканала СТБ падзяліўся прыкладам «няшчырага патрыятызму», які ён заўважае ў некаторых беларусах. Маркерам выступіла беларуская мова.
20.09.2023 / 21:59
Скрыншот з відэа
«Давайце шчыра, беларусы думаюць на рускай мове. Я б хацеў, можа быць, каб яны думалі па-беларуску, але яны думаюць па-руску. Калі я пішу ў беларускамоўную прэсу, я магу перабудавацца, думаць па-беларуску, а потым зноў вярнуцца да рускай мовы.
Але нават тыя, якія падкрэслена, пабачыўшы мяне з Азаронкам дзе-небудзь у гарадскім транспарце, пачынаюць размаўляць на беларускай мове. Я ж бачу пакуты перакдаду ў іх вачах.
Я хачу сказаць, што я беларускую мову ведаю лепш за іх, хоць у мяне рускія карані».
Варта адзначыць, што аргумент «я ведаю беларускую мову лепш за іх, але не размаўляю на ёй, бо я не такі…» зусім не арыгінальны, ён якраз такі вельмі тыповы для метадычак русіфікатараў. Пры гэтым дэманстраваць узровень ведання мовы, ды нават проста факт валодання ёй, людзі, якія гэтым «аргументам» аперуюць, часцей за ўсё адмаўляюцца. Як і той жа Пуставы, які падчас сваёй тырады прамовіў усяго толькі пару вымучаных беларускіх слоў.
Чытайце таксама:
Лукашэнкаўскі прапагандыст спрабуе пратачыцца ў эмігранцкія колы
Паглядзелі фільм «На іншым беразе». Расказваем сюжэт і тое, што пабачылі ў кінатэатры