Зборная Албаніі выйшла на Еўра-2024
Вызначылася ўжо палова зборных, якія заваявалі пуцёўкі на чэмпіянат Еўропы па футболе.
17.11.2023 / 21:53
Зборная Албаніі. Фота: Федэрацыя футбола Албаніі
Албаніі дастаткова было сёння згуляць у Кішынёве ўнічыю з Малдовай, каб заваяваць пуцёўку на кантынентальнае першынство. Так і атрымалася — 1:1.
Албанія — 14 (7 гульняў), Чэхія — 11 (6), Малдова — 10 (7), Польшча — 10 (7), Фарэры — 1 (1).
Сёння ў 22:45 згуляюць Польшча і Чэхія.
У апошнім туры ў панядзелак сустрэнуцца: Албанія — Фарэры і Чэхія — Малдова.
У 1990-я і пачатку 2000-х албанцы былі аўтсайдэрамі еўрапейскага футболу. Упершыню прабіліся на чэмпіянат Еўропы 2016 года, у групе з Францыяй, Швейцарыяй і Румыніяй занялі трэцяе месца, але па дадатковых паказчыках не змаглі выйсці ў 1/8 фіналу.
Пуцёўкі на Еўра-2024 ужо заваявалі зборныя Іспаніі, Шатландыі, Бельгіі, Францыі, Англіі, Турцыі, Славакіі, Партугаліі, Аўстрыі, Венгрыі, Албаніі, а таксама ўдзел у чэмпіянаце Еўропы возьме зборная Нямеччыны, як гаспадыня спаборніцтваў.
У суботу зборная Беларусі ў Венгрыі згуляе з Андорай (20:00 па Мінску).
Становішча ў нашай групе пасля 8 тураў: Швейцарыя — 16, Румынія — 16, Ізраіль — 12, Косава — 10, Беларусь — 6 (1 перамога, 3 нічыі, чатыры паразы), Андора — 2.
Беларусы ўжо страцілі нават тэарэтычныя шанцы на 2-е месца, якое выводзіць на чэмпіянат Еўропы. Апошні свой матчы наша каманда згуляе ў аўторак у гасцях супраць Косава, адзінай зборнай у якой яны выйгралі ў першым крузе.
Чытайце таксама:
Стала вядома, чаго хоча ад федэрацыі футбола Георгій Кандрацьеў