Упершыню кнігай па-беларуску выйшлі творы Роберта Фроста
У выдавецтве «Энцыклапедыкс» выйшла з друку кніга выбраных твораў аднаго з найвядомейшых амерыканскіх паэтаў Роберта Фроста. Па-беларуску вершы перастварыў паэт і перакладчык Ігар Кулікоў, піша Bellit.info.
12.01.2024 / 18:58
Наклад кнігі Роберта Фроста «Выбраныя вершы» — 200 асобнікаў. У кнізе ў храналагічным парадку прадстаўленыя вершы з дзевяці асноўных зборнікаў паэта.
Раней на беларускую мову былі перакладзеныя толькі паасобныя вершы Роберта Фроста, якія друкаваліся ў перыядычных выданнях і анталогіях. Перакладалі Васіль Зуёнак, Васіль Вітка, Лявон Баршчэўскі, Юрась Жалезка.
Чытайце таксама:
Прэмія Цёткі абвясціла поўны спіс за найлепшае афармленне дзіцячай кнігі
Выйшла новая кніга Сержука Сыса
«Салодкая Даруся». Выйшла новая кніга выдавецтва «Пфляўмбаўм»