У Расіі 25-гадовую настаўніцу затрымалі за раман з 11-гадовым школьнікам
Настаўніца з Ленінградскай вобласці сцвярджае, што паміж імі насамрэч нічога не было. А першыя паказанні яна дала пад ціскам следчага, піша Baza.
03.02.2024 / 14:26
Фота: Baza
Па словах родных настаўніцы, у 11-гадовага хлопчыка пачалося актыўнае палавое выспяванне і ён пачаў праяўляць знакі ўвагі да 25-гадовай Ганны яшчэ летась.
Школьнік адпраўляў ёй паведамленні з прызнаннямі ў каханні і рознымі непрыстойнымі прапановамі. Родныя Ганны сцвярджаюць, што дзяўчына спачатку спакойна адказвала на ўсе яго паведамленні, каб не траўмаваць псіхіку дзіцяці.
Паведамляецца, што адносіны бурна сталі развівацца з кастрычніка. На перапынках яны зачыняліся ў кабінеце і прызнаваліся адзін аднаму ў каханні.
Мама даведалася пра адносіны сына і настаўніцы, убачыўшы яго перапіску ў «Ватсапе»: хлопчык размаўляў з дзяўчынай на шчырыя тэмы і рэдка ўспамінаў пра хатняе заданне. Пазней ён прызнаўся маці, што закахаўся ў сваю новую класную кіраўніцу амаль адразу, у верасні, калі яна толькі прыйшла на працу. Хлопец аказваў настаўніцы знакі ўвагі, рабіў кампліменты, і да канца кастрычніка настаўніца пачала адказваць яму тым жа. Казала прыемныя рэчы, а затым пачала гладзіць па галаве.
Потым адносіны развіваліся імкліва. Ужо з лістапада выкладчыца і чацвёртакласнік зачыняліся ў кабінеце на перапынку, цалаваліся і «здзяйснялі распусныя дзеянні, не здымаючы адзенне». Як распавёў хлопчык (і пацвердзіла настаўніца), у іх было не менш за 10-15 сустрэч у класным кабінеце.
Размаўлялі яны не толькі асабіста, але і ў месенджары: прызнаваліся ў каханні, адпраўлялі адзін аднаму нюдсы. Так працягвалася да 31 студзеня, пакуль маці хлопчыка не ўбачыла перапіску. Жанчына адразу ж звярнулася да дырэктара школы і ў паліцыю.
Настаўніцу затрымалі проста падчас урокаў.
Родныя дзяўчыны сцвярджаюць, што падчас допыту следчая пераканала Ганну напісаць тлумачальную і ўказаць, што настаўніца проста закахалася ў хлопчыка. Следчая, па словах сваякоў Ганны, паабяцала, што ў такім выпадку настаўніцы выпішуць адміністратыўку і праз некалькі дзён адпусцяць. Пасля гэтага следчая нібыта сама напісала тэкст ад рукі і дала Ганне на подпіс. Пры гэтым адваката на гэтым апытанні ў Ганны не было.
Калі неабходнае тлумачэнне было атрымана, следчы падманула настаўніцу і завяла крымінальную справу, пасля чаго пайшла ў суд з хадайніцтвам аб арышце дзяўчыны.
Аднак суд адмовіўся арыштоўваць Ганну і адправіў яе пад хатні арышт.