«Пуцін ніколі не вымавіць яго імя. Мы павінны назваць яго імя». Саліст U2 заклікаў на канцэрце скандаваць імя Навальнага
Саліст гурта U2 Бона падчас канцэрта ў Лас-Вегасе распавёў са сцэны пра гібель Аляксея Навальнага. Ён заклікаў усіх гледачоў назваць імя палітыка, зазначыўшы, што расійскі прэзідэнт Уладзімір Пуцін ніколі не называе яго па імені.
18.02.2024 / 14:40
Пачатак прамовы Бона было прысвечана Украіне. Ён заклікаў ЗША «даць гэтым людзям [украінцам] тое, што ім патрабуецца», таму што яны «ваююць за нашу свабоду». Артыст дадаў, што «наступнымі могуць быць Польшча, Літва або Усходняя Германія».
«Для гэтых людзей «свабода» — найважнейшае слова ў свеце. Такое важнае, што ўкраінцы змагаюцца і паміраюць за гэта. І настолькі важнае, што Аляксей Навальны вырашыў адмовіцца ад сваёй [свабоды]. Пуцін ніколі не вымавіць яго імя. Таму я падумаў, што сёння вольныя людзі тут, людзі, якія вераць у свабоду… мы павінны вымавіць яго імя. Нядосыць проста памятаць яго. Гаварыце: Аляксей Навальны. Аляксей Навальны!
Пасля гэтага гледачы сталі скандаваць імя Навальнага, а гурт сыграў песню Donʼt Dream Itʼs Over («Не думай, што гэта канец») гурта Crowded House.
Чытайце таксама:
На целе Навальнага выяўлены сінякі ад курчаў — «Новая газета Европа»
Затрыманні каля «Сцяны смутку» ў Маскве, куды з раніцы нясуць кветкі ў памяць аб Навальным