МУС сцвярджае, што беларусам прыходзяць прапановы аб тэрактах
МУС Беларусі заявіла, што ў месенджары Telegram беларусы сталі атрымліваць паведамленні з прапановамі за грошы ўчыніць тэракты.
26.03.2024 / 14:34
У МУС сцвярджаюць, што беларусам пачалі паступаць паведамленні з прапановамі здзяйсняць тэракты: учыніць страляніну ў гандлёвых цэнтрах або замініраваць будынкі. У першую чаргу такія тэксты прыходзяць маладым людзям і школьнікам.
Там заклікаюць, што пра такія факты трэба неадкладна паведамляць у міліцыю.
Што трэба зрабіць, калі вам прыйшла такая рассылка:
- зафіксуйце перапіску і ідэнтыфікатары;
- падайце інфармацыю праваахоўнікам;
- заблакуйце акаўнт і скардзіцеся на яго за спам і тэрарызм.